Moli heimsótti 34 staði í grasrótarverkefni KSÍ - 70 næsta sumar?

Grundarfjörður
16 krakkar mættir og 2 þjálfarar; Anel og James. Sirrý formaður líka mætt eins og í fyrra, krakkarnir gríðarlega heppin að hafa þetta þríeyki. Og aftur slær Grundarfjörður Evrópumet í foreldrum, 9 foreldrar mættir, frábært samfélag.

Mývatnssveit
7 krakkar mættir og Kristinn þjálfari. Fyrsta æfing sumarsins og vonandi halda krakkarnir áfram, mikil gleði og ánægja og Kristinn alltaf léttur og brosmildur

Vík í Mýrdal
14 krakkar mættir (2 stelpur þurftu að fara aðeins fyrr með ömmu af æfingunni) Sigurður sér líka um allar æfingar hér líkt og á Kirkubæjarklaustri. Pönnuvöllurinn á fullu og krakkarnir mjög áhugasamir um fótbolta og pönnuvöllinn. Frábær staður, mikil fegurð og krakkarnir agaðir og flottir.

Þorlákshöfn
Hörkumæting 24 krakkar og Lárus og Torfi þjálfarar með allt á hreinu. Pönnuvöllurinn vinsæli sló í gegn.

Kjalarnesi
24 krakkar mættu og fengu að keppa á pönnuvellinum þar sem mörkin eru talin saman, enginn vinnur og enginn tapar og það má gera mistök, frábær hópur og Alli þjálfari frábær.

Hólmavík
9 krakkar mættir, flest börnin mætt aftur og biðu eftir pönnuvellinum. Frábær keyrsla og krakkarnir skemmtilegir. Hrafnhildur forráðamaður er allt í öllu

Höfn í Hornafirði
Komum við á Höfn í Hornafirði á leið okkar frá Djúpavogi til Kirkjubæjarklausturs. Sá 3 flokka á æfingu hjá tveimur flottum þjálfurum, allt fyrsta klass hjá þeim. Fékk að halda smá ræðu og kynnast krökkunum. Vesko og Samira eru þjálfararnir og Guðrún Ása og Lárus forráðamenn, átti frábært spjall við þau.

Suðureyri
17 krakkar mættir og mikill áhugi, Svava Rán er að vinna svakalega flott starf, flottur leiðtogi og allir krakkarnir skipta hana máli. Krakkarnir frábærir og eru líka með flottan þjálfara.

Skagaströnd
11 krakkar mættir og Finnbogi þjálfari mættur fyrstur. Snilldar þjálfari og krakkarnir heppnir að hafa svona persónu með á öllum æfingum. Krakkarnir efnilegir og mjög áhugasamir.

Seyðisfjörður
10 krakkar mættir og Gunnar Þjálfari með allt á hreinu, tókum pönnuvöll og svo sparkvöllin í restina. Undirritaður fékk að vera í öðru liðinu og Gunnar í hinu. Mikil keyrsla og sviti á enni alla leið til Stöðvarfjarðar! Krakkarnir orkumiklir og skemmtilegir

Kirkjubæjarklaustur
11 krakkar mættir (1 fór rétt fyrir myndatöku), Sigurður þjálfari mættur líka. Pönnuvöllurinn tekinn allan tímann og krakkar allveg uppgefnir. Flott æfing og hörku puð, glæsilegur hópur. Sigurður sér um alla þjálfun á staðnum.

Stykkishólmur
15 krakkar mættir og 2 þjálfarar, Þröstur og Oliver. Oliver ungur og efnilegur en Þröstur gamall hundur sem þekkir tímanna tvenna, fullur af visku og eldmóð enda sér hann um allt á Stykkishólmi. Fótboltinn í Hólminum væri fátækari án hans. Góður agi á krökkunum, þægileg og skemmtileg börn

Patreksfjörður:
14 krakkar mættir og vildu ekki sjá annað en pönnuvöll. Flott gæði og Simbi þjálfari flottur. Þessi hópur elskar fótbolta.

Búðardalur
15 krakkar mættir og auðvitað kom Jón líka, enda er hann 100% í öllu þegar kemur að íþróttum í Búðardal. Kraftmiklir krakkar og skemmtilegir, ættu allir að kíkja í Búðardal og kíkja á Jón og þessa frábæru krakka, magnaður hópur.

Stöðvarfjörður
Frábær mæting, 14 krakkar og Máni þjálfari. Pönnuvöllurinn sívinsæli tekinn á fullu og yngstu krakkarnir vildu bara ekki fara út af og um leið og þau voru komin út af þá spurðu þau, hvenær er ég næst! Æðislegt, gaman að koma til þeirra.

Stokkseyri
12 mættir og allir vildu pönnuvöllinn aftur. 3 forráðamenn. Allir glaðir að sjá KSÍ aftur

Þróttur í Vogum
33 krakkar mættir og 3 þjálfarar og auðvitað Marteinn. Krakkarnir glaðir og ánægðir með heimsókn frá KSÍ. Allt á fullu í 90 mínútur, og aginn á krökkunum til fyrirmyndar. Marteinn, Jóna, Guðmann og Baddi, takk fyrir hjálpina . Krakkarnir mjög heppin með þessa þjálfara og heimurinn væri betri ef öll bæjarfélög ættu einn Martein, þvílíkt ást sem hann hefur fyrir knattspyrnunni og börnunum, unun að fylgjast með honum

Breiðdalsvík
11 krakkar mættir og Jórunn (vantar Elvar Frey á myndina). Pönnuvöllurinn á fullu hjá krökkunum. Svo þegar krakkarnir voru búnir, þá hoppaði Jórunn (forráðamaður og foreldri) inn í með börnin sín og hætti ekki fyrr en ég gaf henni gula spjaldið. Æðislegir krakkar, frábær staður og Jórunn mögnuð. Gaman að segja frá því að þegar við vorum hætt þá kom fjölskylda og tók 20 mínútna æfingu á vellinum, pabbinn, mamman, og 2 eldri börn. Sá svo þessa fjölskyldu í morgunmat daginn eftir, svona líka skökk og hölt, marin og enn rjóð í kinnum, en gleðin var enn á andliti þeirra, já pönnuvöllur KSÍ er fyrir alla

Flateyri
8 krakkar mættir og pönnuvöllurinn notaður á fullu, mikið fjör og krakkarnir þreyttir en ánægð með allt.

Djúpivogur
Hér var slegið Evrópumet í pönnuvallaráhorfi. Þrátt fyrir að engar raðir séu (helst) ekki leyfðar hjá KSÍ og krakkarnir beðnir um að vera í bolta á meðan beðið er eftir pönnuvellinum, þá er bara svo gaman að horfa á leikinn (og auðvitað læru þau af áhorfinu). Allir krakkarnir að horfa á 1 á 1- eða 2 á 2, allan tímann , eins og sést í myndinni til hliðar. 30 krakkar mættir og hrikalegt stuð. Krakkarnir góðir í fótbolta. Hafdís og Þórdís forráðamenn.

Þórshöfn (Langnesingar)
Svakalegur áhugi á pönnuvellinum og allir krakkarnir búnir að bíða alla vikuna eftir þessu. Flestir komnir aftur og vilja ekkert annað en pönnuvöll KSÍ. Get ekki hrósað krökkunum og forráðamönnunum nóg. 23 krakkar mættir og 2 pönnuvellir settir á fullt (aldrei verið prófað áður hjá mér ) og undirritaður kófsveittur að hvetja og hjálpa á völlunum. Mikil hamingja og þau ætla öll að mæta að ári. Forráðamennirnir með hjarta fyrir boltanum og krökkunum, algjörlega frábær þau Valgerður og Þórarinn. Forráðamaður og þjálfari og mamma, Valgerður Sæmundsdóttir, allt í öllu.

Eyrarbakki:
Krakkarnir glaðir að sjá karlinn aftur og pönnuvöllurinn slær alls staðar í gegn. 15 krakkar mættir og 5 foreldrar, formaðurinn Rakel Gunnlaugsdóttir með allt á hreinu

Flúðir í Bláskógabyggð
Nánast öll mætt aftur sem komu í fyrra. Moli spurði þjálfarann hvort við ættum ekki að hvíla pönnuvöllin og gera eitthvað annað. NEI, var svarið, krakkarnir eru búnir að bíða í eitt ár eftir þessu. Þetta var skemmtilegasta æfingin í fyrra. Góðir og jafnir krakkar og Máni þjálfari frábær. 12 mættir.

Þingeyri
11 krakkar mættir ( vildu ekki öll vera á mynd) Sigmundur og Guðrún að vinna frábært starf , pönnuvöllur klár á staðnum og mikið nýttur, frábært fólk og frábærir krakkar. Sigmundur er búinn að eyða miklum tíma og peningum í þennan pönnuvöll, virðing er eina orðið sem á við , Þingeyri hefur allt til

Hofsós
Þvílíkur hópur, 18 krakkar mættir og flestir frá því í fyrra, ætlaði enginn að missa af þessu. Topp þjálfari Bjarki, agi og virðing til fyrirmyndar. Ég spurði Bjarka rétt fyrir upphaf æfingar: -Bjarki, þetta er næstum því sami hópur og í fyrra , eigum við ekki að sleppa pönnuvellinum núna. Svarið var einfalt, ertu ruglaður, krakkarnir eru búnir bíða eftir þessu alla vikuna. Ég gæti alveg verið 365 daga á ári með þessum krökkum og Bjarka, jákvæðni og kraftur á Hofsós. Einn strákur kom frá Fljótunum sem er klukkustundar keyrsla aðra leiðina, þetta gefur lífinu gild . Klöppum fyrir þessum strák og foreldrum hans.

Raufarhöfn
Allir mættir aftur, sömu krakkar nánast og í fyrra, 4 börn komu frá Kópaskeri til að vera með, frábærir krakkar og mikil orka. Pönnuvöllurinn sívinsæli settur upp á sparkvellinum, allir brosandi hringinn. Sigmar þjálfari mættur og Birna forrráðamaður. Þessir krakkar munu allir mæta á næsta ári.

Borg í Grímsnesi
Nýr staður. Ungir og efnilegir fótboltamenn mættir, fæddir 2012, 2013 og 2014. Þarna fékk pönnuvöllurinn að finna fyrir því. Gleði í fyrirrúmi og Gústaf þjálfari með frábæran aga á hópnum.

Ólafsvík
37 krakkar mættir, 7, 6. og 5. flokkur, margir krakkar mjög efnilegir og 3 þjálfarar; Ívar, Vignir og Selma. Allt í toppstandi.

Súðavík
Súðavík mætti okkur í miklum vindi og rigningu, Covid að hræða okkur aðeins, en við mættum og tókum allt á fullt. 3 krakkar og 2 foreldrar ásamt Halldóri mætt. Krakkarnir fengu að spreyta sig á pönnuvellinum í klukkutíma. Inn á milli hleyptum við foreldrunum í bolta, allir velkomnir í pönnubolta. Enginn munur á gleði barnanna eða foreldranna enda fótbolti skemmtilegur. Halldór æstur í að kaupa pönnuvöll og væri það frábært fyrir Súðavík að eignast svona völl.

Vopnafjörður
Komum við á Vopnafirði á leið okkar frá Þórshöfn til Seyðisfjarðar, gáfum okkur 2 klukkutíma.Tókum pönnuvöllinn á fullu og skoðuðum nýja vallarhúsið . Frábær aðstaða og krakkarnir flottir og agaðir. Donni og Víglundur eru mennirnir á bak við þessa krakka, ásamt fleirum auðvitað. 16 krakkar mættir og Donni brosmildur og kátur.

Varmahlíð
19 krakkar mættir og Trausti þjálfari. Frábær hópur og skemmtilegir og áhugasamir foreldar. Horfðu á allan tímann, voru alveg ofan í pönnuvellinum og voru notaðir eins og boltadrengir og stúlkur. Um leið og bolti fór út af voru foreldrar búnir að henda inn á nýjum bolta. Stundum komu 2 boltar inn á, slíkur var áhuginn, en þá benti maður bara á að seinni boltinn er mikilvægur í fótbolta. Trausti þjálfari vill bara vita strax: Hvar kaupir maður pönnuvöll og hvað kostar hann? Segir allt sem segja þarf.