Fótbolti.net

Rúnar Alex: Verðlaun fyrir alla þessa vinnu sem ég hef lagt á mig

Hákon Arnar: Mest frá vinum sem eru að plata mig í eitthvað rugl

Sjáðu allt það helsta úr dramatískum sigri Manchester United

Arnar Grétars: Ástæðan fyrir því að við erum ekki að fá á okkur mörk

„Mér líður samt eins og við höfum tapað frekar en að Valur hafi unnið"

Hanskarnir ekki lengst upp á hillu - „Kom strax til baka því ég elska Ísland"

Arnar segir Albert ekki hafa viljað vera á bekknum

Ánægður að hafa farið til Eyja - „Kom mér á óvart hvað það er haldið vel utan um þetta"

„Margt sem við þurfum að vinna í"

Óliver Steinar: Addi sannfærði mig um að koma í Val

Ómar Ingi: Verðum að gera betur ef þessi staða kemur upp

Davíð Smári: Lítum á þetta sem góða æfingu við toppaðstæður

Hemmi Hreiðars: Erum á töluvert betri stað en fyrir ári

Hlynur Freyr: Rétta skrefið að koma heim í meistaraflokksbolta

Varð að fara frá Sviss - Ísland besti kosturinn og leist best á KR

TM-Mót Stjörnunnar 2023

„Það verður kannski hlegið af mér fyrir að segja þetta"

Aron Bjarki: Kannski ekki mikil eftirspurn eftir 33 ára hafsentum

Arnar: Sjaldan sem maður tekur eftir liði með jafnsterkt DNA

Ánægður að vera kominn heim - „Auðvitað þarf það að halda áfram"

fim 22. desember 2022 15:30

@gummi_aa

Guðmundur Aðalsteinn Ásgeirsson

Heyrði smell í síðasta sprettnum - „Náði að búa til límonaði úr þessu"

Ingunn Haraldsdóttir.

Mynd: Fótbolti.net - Hafliði Breiðfjörð

Í leik með KR gegn Þrótti.

Mynd: Fótbolti.net - Hafliði Breiðfjörð

Þróttur fagnar marki á síðustu leiktíð.

Mynd: Fótbolti.net - Hafliði Breiðfjörð

„Þjálfarateymið var búið að hafa samband og hafði áhuga á að fá mig. Ég er búin að fylgjast með Þrótti síðustu ár og þeirra vegferð. Mér finnst mjög spennandi að taka þátt í því verkefni," segir Ingunn Haraldsdóttir í samtali við Fótbolta.net.

Ingunn, sem er 27 ára öflugur varnarmaður, gekk á dögunum í raðir Þróttar frá KR.

„Fyrstu vikurnar hafa verið mjög góðar. Ég er að koma mér aftur af stað eftir meiðsli. Það gengur upp og niður, en ég er að komast af stað og ég er að kynnast stelpunum. Mér líst mjög vel á hópinn, það er mikill metnaður þarna. Ég hlakka til að komast í skóna fyrir sumarið," segir Ingunn.

Ingunn, sem var fyrirliði KR um nokkurt skeið, fór til Grikklands í fyrra og lék þar með PAOK. Hún ætlaði sér að spila heima síðasta sumar en gat það ekki vegna meiðsla.

„Ég var út í Grikklandi. Ég er að hita upp fyrir leik og er að taka síðasta sprettinn í upphitun fyrir leik. Ég heyri smell og þá er hásinin farin. Við tekur fljót ákvörðun um að drífa mig heim í aðgerð. Ég komst að strax. Ég þarf svo að vera í gifsi og gönguskóm í einhverja tvo mánuði áður en ég get byrjað að ganga aftur."

„Þetta eru sex til átta mánuðir sem er talað um áður en þú getur byrjað aftur að hlaupa og æfa. Ég var byrjuð að hlaupa að einhverju viti í ágúst, september. Ég er búin að spila hálfleik í æfingaleikjum. Þetta er að koma."

„Þetta er erfitt, en maður kemst líka að því að það er líf fyrir utan fótboltann. Ég náði að búa til límonaði úr þessu. Ég ferðaðist til að mynda í heilan mánuð í Kólumbíu í sumar. Ég náði að gera gott úr þessu. En ég finn það þegar ég mæti á æfingar - mæti í brassa og svona með stelpunum - hvað þetta er ógeðslega gaman og hvað ég er búin að sakna þess."

Hún segir að tíminn í Grikklandi hafi verið mjög skemmtilegur og lærdómsríkur, en Besta deildin á Íslandi er heilt yfir sterkari en gríska deildin.

„Þessi tími var mjög skemmtilegur og mjög þroskandi. Þær eru komnar styttra en við en ég var í mjög metnaðarfullu félagi sem vill standa sig og er að reyna að leggja metnað í hlutina. Það var líka mjög þroskandi að búa ein í Suður-Evrópu. Ég sé alls ekki eftir þessu."

Hún ákvað að taka bataferlið heima á Íslandi og fór hún ekki aftur til Grikklands þar sem hún er að læra læknisfræði hér á landi. Hún tók sér stutta pásu frá námi til að upplifa atvinnumannadraum í fótboltanum.

„Ég átti samning fram í maí og ætlaði að koma aftur heim til að fara í skóla í haust. Það var eiginlega aldrei spurning um að ég myndi ekki fara aftur," segir Ingunn en er hún áfram með draum um atvinnumennsku?

„Ég fékk að svala þorstanum þarna. Það er frábært að sjá hvað það er mikið af tækifærum fyrir leikmenn. Þetta er búið að breytast hratt. Það er aldrei að vita en ég ætla að klára námið fyrst."

„Ég myndi segja að það sé mikill munur á deildunum. PAOK hefur verið langbesta liðið í Grikklandi og einokað titilinn síðustu 16 árin eða svo. Deildin er aðeins að jafnast, en íslenskan deildin er mun betri."

Ingunn var nokkuð lengi hjá KR en fyrir nokkrum vikum sagði hún frá því að hún hefði ekkert heyrt úr Vesturbænum eftir að síðasta tímabili lauk. Hún ræddi í kjölfarið við KR en hugurinn var annars staðar.

„Þessi pilla hefur skilað sér. Þau heyrðu í mér. Ég ræddi við nýja þjálfarann líka en hugur minn var alltaf að spila í Bestu deildinni og ég var mjög spennt fyrir því sem Nik og Edda voru að tala um. Það var aldrei spurning að ég ætlaði að vera í efstu deild," segir Ingunn en allt viðtalið má sjá í spilaranum hér að ofan þar sem hún ræðir meira um tímabilið sem framundan er með Þrótti.

Athugasemdir

Nýjustu fréttirnar