Gary Neville var hrifinn af frammistöðu Pierre-Emerick Aubameyang í 3-2 sigri Arsenal gegn Everton.
Aubameyang skoraði tvennu í leiknum og hrósaði Neville honum í hástert. Hann sagði fyrra markið sem sóknarmaðurinn skoraði hafa minnt sig mikið á Thierry Henry, sem er meðal helstu goðsagna í sögu Arsenal.
„Allt við þetta mark er Thierry Henry. Þetta var eins og að horfa á frönsku goðsögnina spretta að markinu og leggja boltann snyrtilega í fjærhornið," sagði Neville í útsendingu Sky Sports.
„Núna er Aubameyang aðalmaðurinn. Hann er ótrúlega snöggur og tímasetti þetta hlaup vel."
Matthew Upson, fyrrum leikmaður Arsenal sem starfar nú fyrir BBC, tók í svipaða strengi og kollegi sinn.
„Þetta var frábært hjá Aubameyang en David Luiz - það eru ekki margir miðverðir sem geta gert þetta. Þetta var frábær sending.
„Aubameyang skeindi Sidibe nokkrum sinnum í leiknum og þarna gerðist það aftur. Svo er hann svellkaldur fyrir framan markið, minnir mikið á Henry."
Athugasemdir