Philippe Coutinho er í láni hjá Bayern.
Kaupákvæði í lánssamningi Philippe Coutinho hjá Bayern er ekki lengur gott og gilt að sögn Karl-Heinz Rummenigge, stjórnarformanns þýska stórveldisins.
Coutinho hefur verið í láni hjá Bayern frá Barcelona á tímabilinu og átti Bayern möguleika á því að kaupa Brasilíumanninn fyrir um 120 milljónir evra.
Coutinho hefur verið í láni hjá Bayern frá Barcelona á tímabilinu og átti Bayern möguleika á því að kaupa Brasilíumanninn fyrir um 120 milljónir evra.
Bayern hefur ekki nýtt sér það ákvæði, en Bayern hefur ekki lengur möguleika á því að nýta sér það.
„Þessi klásúla er runnin út og við höfum ekki ákveðið að nýta okkur hana," sagði Rummenigge við Spiegel.
Þó er ekki útilokað að Coutinho verði áfram í Bayern, en þýska félagið getur náttúrulega enn farið í viðræður við Barcelona. „Við þurfum að plana hóp okkar fyrir næsta tímabil og sjáum til hvort að hann sé með hlutverk eða ekki."
Hinn 27 ára gamli Coutinho hefur skorað átta mörk og lagt upp sex í 22 deildarleikjum fyrir Bayern á þessu tímabili.
Athugasemdir
