Hann hefur ekki fengið mörg tækifæri undir stjórn Ernesto Valverde og kvartaði hann undan því í sumar þegar treyjunúmerið var tekið af honum án þess að neitt væri sagt við hann.

Frenkie de Jong fékk treyjunúmerið 21, sem er sama númer og hann notar í hollenska landsliðinu og var með hjá Ajax.

Samningur Alena rennur út næsta sumar og vill hann ekki gera nýjan samning án loforðs um aukinn spiltíma. Spænskir fjölmiðlar eru því flestir sammála um að Alena sé á förum í janúar.

Real Betis hefur sýnt honum áhuga en Mauricio Pochettino, stjóri Tottenham, er einnig áhugasamur. Hjá Spurs myndi Alena berjast við menn á borð við Tanguy Ndombele og Giovani Lo Celso um byrjunarliðssæti.