Nokkrir stuðningsmenn Liverpool sem ferðuðust með til Belgíu tóku stóran borða með sér á leikinn. Á borðanum er svartur maður með stórt typpi í fullri reisn, en búið er að skipta hausnum út fyrir hausinn hans Origi.

„Þetta er algjörlega óásættanlegt. Liverpool F.C. fordæmir þessa hegðun stuðningsmanna félagsins," segir í yfirlýsingu frá félaginu.

Félagið var snöggt að bregðast við og fjarlægja borðann, sem ýtir undir þá staðalímynd að svartir menn séu með stærra kynfæri en aðrir.

Origi er belgískur en af nígerískum uppruna og ólst upp í röðum Genk til 15 ára aldurs.