Tottenham íhugar að gera tilboð í Callum Hudson-Odoi, vængmann Nottingham Forest.
Tottenham hefði getað keypt hann fyrir ári síðan en hafði ekki áhuga og keypti Brennan Johnson frá Forest á 47 milljónir punda. Forest fékk Hudson-Odoi á tilboðsverði, 3 milljónir punda.
Tottenham hefði getað keypt hann fyrir ári síðan en hafði ekki áhuga og keypti Brennan Johnson frá Forest á 47 milljónir punda. Forest fékk Hudson-Odoi á tilboðsverði, 3 milljónir punda.
Hudson-Odoi átti fínt tímabil með Forest og er nú kominn á óskalista Tottenham. Leikmaðurinn var eitt sinn vonarstjarnan úr akademíu Chelsea.
Það er ekkert launungarmál að Ange Postecoglou stjóri Tottenham vill styrkja möguleika sína í sóknarleiknum. Liðið mun taka þátt í Evrópudeildinni á næsta tímabili eftir að hafa endað í fimmta sæti í deildinni.
Tottenham hefur ekki ákveðið hvort félagið nýti sér möguleika á að kaupa Timo Werner, sem kom á láni frá RB Leipzig í janúar, fyrir 15 milljónir punda.
Athugasemdir
