Everton hefur ekki sett sig í samband við Stóra Sam

Stóri Sam Allardyce er eitt þeirra nafna sem hafa verið nefnd í umræðunni um næsta stjóra Everton.

Vangaveltur hafa verið um hvort Everton gæti ráðið Stóra Sam út tímabilið ef það nær ekki á þessum tímapunkti að fá neinn af þeim kostum sem félagið hefur áhuga á.

Stóri Sam er þekktur fyrir að koma til bjargar þegar lið eru í fallhættu en Everton situr í nítjánda sæti ensku úrvalsdeildarinnar og er í stjóraleit eftir að Frank Lampard var rekinn.

Everton endaði í áttunda sæti undir stjórn Stóra Sam 2018 en liðið hefur ekki endað ofar síðan.