Arnar Gunnlaugsson þjálfari Víkings
„Ég á erfitt með að koma að orðum núna. Ótrúlegur dagur í alla staði. Ég var staðráðinn í því þegar ég vaknaði í morgun að njóta til hins ítrasta og þetta er bara geggjað. Miðað við hversu mikið var undir, hvernig við spiluðum fyrri hálfleikinn vorum kraftmiklir og allt það góða sem hefur einkennt okkur í sumar,“
Sagði auðsjáanlega þreyttur en gífurlega hamingjusamur þjálfari Víkinga Arnar Gunnlaugsson eftir 2-0 sigur Víkinga á Leikni sem tryggði Víkingum Íslandsmeistaratitilinn.
Sagði auðsjáanlega þreyttur en gífurlega hamingjusamur þjálfari Víkinga Arnar Gunnlaugsson eftir 2-0 sigur Víkinga á Leikni sem tryggði Víkingum Íslandsmeistaratitilinn.
Lestu um leikinn: Víkingur R. 2 - 0 Leiknir R.
Víkingar komu inn í leikinn af góðri ákefð og var einbeiting þeirra á verkefninu augljós þeim sem á horfðu. Arnar sagði um vikuna fram að leik.
„Einbeitingin í klefanum og alla æfingavikuna. Menn voru svo einbeittir á verkefnið. Þetta er erfitt, það er erfitt að eiga svona mikið undir og halda einbeitingu en liðið mitt var bara frábært og ég gæti ekki verið stoltari af þeim. “
Arnar talaði um eftir að Víkingar urðu Bikarmeistarar 2019 að liðið þyrfti nú að taka annað skref fram á við sem liðið gerði í dag. En hvað tekur nú við?
„Það er alltaf hægt að þróa sig í þessum leik. Bara eins og Heimir Guðjónsson orðaði það svo yndislega að sýna auðmýkt gagnvart því að verða meistari og viðhalda árangri, gera betur í Evrópu og koma Íslandi á kortið þar þegar við fáum sætið okkar aftur.“
Allt viðtalið við Arnar má sjá hér að ofan.
