Þýskaland: Leipzig vann stórsigur á Herthu

Leipzig byrjaði tímabilið afar illa og vann aðeins einn af fyrstu fimm leikjunum en nú virðist vera kominn allt annar bragur á liðið.

Christopher Nkunku kom þeim á bragðið á 16. mínútu og lagði hann svo upp annað markið fyrir Yussuf Poulsen sjö mínútum síðar. Nordi Mukiele bætti við þriðja markinu undir lok fyrri hálfleiks.

Leipzig gerði þrjú mörk til viðbótar í þeim síðari. Emil Forsberg skoraði úr víti á 60. mínútu og þá gerði Nkunku annað mark sitt tíu mínútum síðar. Amadou Haidara gerði sjötta og síðasta mark leiksins þrettán mínútum fyrir leikslok.

Eintracht Frankfurt og Köln gerðu 1-1 jafntefli. Hinn 18 ára gamli Florian Wirtz skoraði sigurmark Bayer Leverkusen gegn Mainz og þá vann Hoffenheim óvæntan 3-1 sigur á Wolfsburg.

Wolfsburg vann fyrstu fjóra leiki tímabilsins en hefur ekki tekist að vinna í síðustu tveimur.

Úrslit og markaskorarar:

RB Leipzig 6 - 0 Hertha
1-0 Christopher Nkunku ('16 )
2-0 Yussuf Poulsen ('23 )
3-0 Nordi Mukiele ('45 )
4-0 Emil Forsberg ('60 , víti)
5-0 Christopher Nkunku ('70 )
6-0 Amadou Haidara ('77 )

Eintracht Frankfurt 1 - 1 Koln
0-1 Ellyes Skhiri ('14 )
1-1 Rafael Borre ('45 )

Bayer 1 - 0 Mainz
1-0 Florian Wirtz ('62 )

Union Berlin 1 - 0 Arminia Bielefeld
1-0 Kevin Behrens ('88 )

Hoffenheim 3 - 1 Wolfsburg
0-1 Ridle Baku ('25 )
1-1 Andrej Kramaric ('45 )
2-1 Christoph Baumgartner ('73 )
3-1 Pavel Kaderabek ('81 )