Werner var einn heitasti bitinn á markaðnum fyrir tveimur árum en hann hafði náð munnlegu samkomulagi við Bayern um að ganga til liðs við félagið.

Samkvæmt Goal.com og SPOX þá komst Werner að því að Niko Kovac, sem var þá þjálfari liðsins og Hasan Salihamidzic, yfirmaður íþróttamála, höfðu engan áhuga á því að fá hann.

Werner hafnaði því Bayern og framlengdi samning sinn við Leipzig en hann yfirgaf svo félagið ári síðar og gekk til liðs við Chelsea.

Samkvæmt gögnum frá Der Spiegel þá kemur einnig fram að Liverpool hafi verið í viðræðum við Werner. Félagið bauð honum 12 milljónir evra í árslaun og 25 milljónir evrur í bónusgreiðslur en það kemur fram að umboðsmaður leikmannsins hafi ýtt á hann að velja Bayern.