Hinn magnaði Richarlison.
Margir stuðningsmenn Liverpool og fleiri aðdáendur enska boltans furðuðu sig á því að Richarlison væri valinn í brasilíska landsliðshópinn en ekki Roberto Firmino.
Þeir voru ekki meðvitaðir um að þó Richarlison sé ekki kominn með deildarmark hjá Tottenham hefur hann verið á eldi með brasilíska landsliðinu síðan hann fékk tækifæri þar og Tite þjálfari var aldrei að fara að skilja hann eftir heima.
Seinna mark Richarlison í sigrinum gegn Serbíu á HM í gær (sem var algjörlega stórkostlegt) var hans níunda mark í sjö leikjum.
Þeir voru ekki meðvitaðir um að þó Richarlison sé ekki kominn með deildarmark hjá Tottenham hefur hann verið á eldi með brasilíska landsliðinu síðan hann fékk tækifæri þar og Tite þjálfari var aldrei að fara að skilja hann eftir heima.
Seinna mark Richarlison í sigrinum gegn Serbíu á HM í gær (sem var algjörlega stórkostlegt) var hans níunda mark í sjö leikjum.
Margir sem fylgjast ekki með brasilíska landsliðinu töldu að hann þyrfti að réttlæta það að vera í stöðu fremsta manns hjá Brasilíu. En Tite hefur ekki efast.
Richarlison er 25 ára og er nú kominn með 19 mörk í 39 landsleikjum fyrir Brasilíu og sjö stoðsendingar að auki.
Breiddin fram á við hjá Brasilíu er rosaleg en Richarlison hefur með ógn sinni og gríðarlegri vinnusemi unnið sér inn byrjunarliðssæti hjá liðinu. Meiðsli hafa verið hraðahindrun í byrjun hans hjá Tottenham eftir 60 milljóna punda kaup frá Everton í sumar en frammistaða hans í gær er vísbending um hvað hann getur gert fyrir nýtt félag sitt í framtíðinni.
„Staðsetningarnar hjá Richarlison eru frábærar, hann er oft réttur maður á réttum stað til að klára sóknirnar. Mörkin sem hann skorar af stuttu færi, er á undan markverðinum í boltann, gefa mér jafn mikla ánægju og þetta stórbrotna seinna mark hans," segir markahrókurinn Alan Shearer.
Rodrygo, Antony, Jesus, Martinelli....inn af bekknum. Þessi breidd fram á við hjá Brasilíu er algjör þvæla.
— Tómas Þór Þórðarson (@tomthordarson) November 24, 2022
Athugasemdir
