Markvörðurinn Guðjón Orri Sigurjónsson, sem gekk í raðir KR í janúar eftir tveggja ára dvöl hjá Stjörnunni, sendi frá sér furðulega afsökunarbeiðni á Facebook og Twitter fyrr í kvöld.
Guðjón Orri biðst afsökunar á ummælum sínum um fjárhag KR en ekki er ljóst hvaða ummæli hann er að ræða um.
„Ég sem leikmaður KR biðst innilega afsökunar á þeim ummælum sem èg lét hafa eftir mér á samfélagmiðlum seint í gær um fjárhag KR, og hvernig þeim væri ráðstafað," skrifar Guðjón Orri á Facebook.
„Ég sem nýr leikmaður hjá klúbbnum gerðist sekur um algjört dómgreindarleysi. Það var alls ekki meining mín að skíta út mannorð klúbbsins og vil ég biðja alla KR inga afsökunar á þessum ummælum sem ég lét hafa eftir mér.
„Að lokum vil ég minna á leikinn upp á Skipaskaga á Sunnudaginn. #allirsemeinn"
— Guðjón Orri Sigurjónsson (@gsigurjonsson25) June 26, 2020
Athugasemdir