Alejandro Garnacho
Stjarna kvöldsins, Alejandro Garnacho, var eðlilega í skýjunum með draumamarkið í 3-0 sigrinum á Everton á Goodison Park í kvöld.
Markið hans Garnacho er óumdeilanlega flottasta mark tímabilsins í ensku úrvalsdeildinni.
Argentínumaðurinn smellhitti boltann eftir laglega bakfallsspyrnu í teignum og átti Jordan Pickford aldrei möguleika á að verja skotið.
Garnacho trúði ekki sínum eigin augum þegar hann sá boltann syngja í netinu.
„Ég trúi þessu ekki. Ef ég á að vera alveg hreinskilinn þá snéri ég mér bara við og hugsaði 'guð minn góður'. Ég er ánægður og er þetta eitt flottasta mark sem ég hef skorað,“ sagði Garnacho, en er þetta besta mark tímabilsins?
„Líklega! Það er ennþá nóvember, en já,“ sagði Garnacho í lokin.
Athugasemdir
