KSÍ er búið að staðfesta að næstu þremur leikjum Stjörnunnar á Íslandsmótinu í knattspyrnu hefur verið frestað vegna smits í liðinu.
Leikmaður Stjörnunnar greindist með kórónuveiruna í gærkvöldi og mun allt liðið því vera í sóttkví næstu tvær vikur.
Leikjum Stjörnunnar gegn KA, FH og KR hefur verið frestað. Stjarnan átti að spila við KA á morgun klukkan 17:00. Garðbæingar áttu svo útileik gegn FH 5. júlí og heimaleik á móti KR 9. júlí.
Þetta er skellur fyrir Stjörnuna sem fór vel af stað í Pepsi Max-deildinni og er með sex stig eftir tvær umferðir.
Leikir Stjörnunnar sem hefur verið frestað:
28. júní: Stjarnan - KA
5. júlí: FH - Stjarnan
9. júlí: Stjarnan - KR
Athugasemdir
