Fótbolti.net

„Þurfum að læra sem lið að loka þessum leikjum"

Mikael Egill svekktur: Hann hló og sagði ekki séns

Arnar: Leið eins og við værum að spila á móti liði frá 1980

Orri Steinn þakklátur - „Maður tekur þessu ekki sem sjálfsögðum hlut"

Jasmín Erla: Það er galið að maður sé að spila í þessu

Ian Jeffs: Ég ætla ekki að tjá mig um það

Tomasz Luba: Það er ekkert lélegt að koma hingað og tapa 3-1

„Frábær áskorun að vera spáð góðu gengi frekar en að vera brandaralið"

Siggi Höskulds: Eina markmið leiksins og vikunnar var að bæta fyrir það

Bjarni: Held ég hafi aldrei hitt hann svona vel

Orri um andlega áskorun: Einn af fáum jákvæðum punktum úr þessu

Arnar á keppnisvellinum: Leikstíll sem er ekki allra

Bestur í Mjólkurbikarnum: Vonandi virka markaskórnir í kvöld

Með landsliðið í huga þegar hann færði sig um set - „Kominn í frekar lélega stöðu“

Elías Rafn: Það er draumur allra að spila í Premier League

Þakklátur Arnór loks mættur aftur - „Maður lærir að meta alla litlu hlutina“

Daníel Tristan: Geggjað að fá að spila með honum

Viktor Bjarki: Hef trú á að við getum unnið Frakkland

Lúðvík: Gaman að horfa á þá

Eykur sigurlöngun Hákonar að mæta góðum félaga - „Náðum vel saman“

lau 27. ágúst 2022 18:57

Sæbjörn Þór Þórbergsson Steinke

Arna Sif átt eftirminnilega viku -„Þetta er bara lífið"

Mynd: Fótbolti.net - Hafliði Breiðfjörð

„Við áttum gott spjall í hálfleik og töluðum um að gera það sem við erum góðar í, ekki vera eitthvað hræddar eða feimnar. Mér fannst við svara því vel og áttum frábæran seinni hálfleik," sagði Arna Sif Ásgrímsdóttir, leikmaður Vals, eftir að liðið lagði Breiðablik í bikarúrsitaleik í dag.

Breiðabik leiddi með einu marki í hálfleik en Valur kom til baka í seinni og svaraði með tveimur mörkum.

Lestu um leikinn: Breiðablik 1 - 2 Valur

„Mjög langan tíma, þetta er eini sem ég átti eftir. Ég er búin að vera elta hann svolítið lengi, þannig að í dag er dagurinn," sagði Arna sem varð í dag bikarmeistari í fyrsta sinn á ferlinum.

„Það kom aldrei eitthvað panikk eða stress yfir mig eða okkur. Ég veit það ekki, það er bara svona með þetta lið, það er einhvern veginn búin að vera svo mikil stemning og góð ára í kringum okkur að ég vissi að við værum alltaf að fara koma til baka. Við þurftum bara aðeins að setjast niður, spjalla saman og átta okkur á því að þetta væri bara fótbolti eins og hver annar leikinn."

„Við héldum þeim lengi á þeirra helming lengi, pressan okkar var mjög góð frá fremsta manni og þær voru í smá basli að spila út úr markinu. Mér fannst við gera þetta hrikalega vel."

Síðusta vika eða svo hefur verið tíðindamikil hjá Örnu. Hún var valin í landsliðið í fyrsta sinn í rúmlega þrjú ár, fór áfram með Val í 2. umferð forkeppni Meistaradeildarinnar og varð í dag bikarmeistari.

„Þetta er bara lífið, þetta er ógeðslega skemmtilegt og ég elska fótbolta eins og staðan er í dag - þetta getur oft verið misskemmtilegt. Ég er á góðum stað, í frábæru liði og líður mjög vel í mínu umhverfi. Svo eru bónusar eins og landsliðið og allt þetta. Þetta er ástæðan fyrir því að maður er í þessu, búin að eiga mjög góða viku," sagði Arna.

Hún var í viðtalinu einnig spurð út í ákvörðunina að fara í Val í vetur sem og samherja hennar í hjarta varnarinnar - Mist Edvardsdóttur. Viðtalið í heild má sjá í spilaranum að ofan.