AGF fékk Sonderyjske í heimsókn í dönsku úrvalsdeildinni í kvöld.
Jón Dagur Þorsteinsson og Mikael Neville Anderson voru í byrjunarliði AGF en Kristófer Ingi Kristinsson byrjaði á varamannabekknum hjá Sonderjyske.
Jón Dagur skoraði eina mark leiksins á 35. mínútu. Hann fagnaði markinu eins og hann væri að stinga sér til sunds. Hann fékk nefnilega spjald í síðasta leik fyrir dýfu og hefur verið mikið gagnrýndur fyrir það.
Hann fékk að líta gula spjaldið á 72. mínútu og missir því af næsta leik AGF. Mikael var skipt af velli á 65. mínútu og Kristófer kom inná 73. mínútu.
Í Svíþjóð tapaði Gautaborg 2-0 gegn Kalmar. Hinn 18 ára gamli Adam Benediktsson var varamarkvörður Gautaborgar í kvöld.
Gunnhildur Yrsa Jónsdóttir lék allan leikinn í 3-0 tapi Orlando Pride gegn Reign í Bandarísku deildinni í nótt.
Athugasemdir
