ÍBV er í æfingaferð á Spáni og mættu Vestmannaeyingar spænska C-deildarliðinu Cartagena í dag.

Cartagena er með hörkulið og þeir komust yfir eftir hálftíma en ÍBV jafnaði fyrir hlé og var þar að verki Devon Már Griffin. Devon, sem er á 21. aldursári, fótbrotnaði illa í byrjun síðasta tímabils og stefnir væntanlega á það að koma tvíefldur til baka í sumar.

Breki Ómarsson fékk tækifæri til að koma ÍBV yfir rétt fyrir hlé en vítaspyrna hans fór fórgörðum. Í upphafi seinni hálfleiks skoraði Kuki Zalazar og kom Caragena yfir. Það reyndist vera sigurmarkið.

Þetta var annar æfingaleikur ÍBV á Spáni en liðið tapaði gegn belgíska úrvalsdeildarliðinu Royal Antwerp um síðustu helgi.

Sjá einnig:
Kristján G: Tilfinningin er að við séum aðeins á eftir öðrum liðum

Veistu úrslit úr æfingaleikjum?
Ef þú hefur upplýsingar um úrslit æfingaleikja og markaskorara endilega sendu okkur þá tölvupóst á [email protected] eða settu úrslitin á Twitter og merktu #fotboltinet