Hinn sautján ára gamli Ísak hefur vakið gríðarlega athygli með Norrköping í Svíþjóð en hann spilaði sinn fyrsta landsleik með íslenska landsliðinu í síðustu viku.

Ísak er sagður kosta tíu milljónir punda en í grein ítalska fjölmiðilsins Calciomercato segir að hann verði að öllum líkindum seldur í janúar.

Þar segir einnig að hann sé ekki að fara neitt út af peningum, Ísak muni fara til félags sem gefi honum tækifæri til að spila fótbolta í aðalliði eins og hann er að gera núna.

„Til þess að verða eins góður og átrúnaðargoð hans, De Bruyne, þá þarf hann traust. Juventus er varað við því," segir í grein Calciomercato.