Óli Kristjáns var ósáttur með sína menn í dag.
Ólafur Kristjánsson, þjálfari FH, var að vonum svekktur eftir 4-1 tap sinna manna gegn Víking R. í þriðju umferð Pepsi Max-deildarinnar í dag.
„Ég er ósáttur við spilamennsku okkar, sérstaklega í fyrri hálfleik. Við vorum eftir á í nánast öllum aðgerðum. Mér fannst Víkingarnir góðir í dag en við slakir." sagði Óli eftir leikinn í kvöld.
„Ég er ósáttur við spilamennsku okkar, sérstaklega í fyrri hálfleik. Við vorum eftir á í nánast öllum aðgerðum. Mér fannst Víkingarnir góðir í dag en við slakir." sagði Óli eftir leikinn í kvöld.
Lestu um leikinn: Víkingur R. 4 - 1 FH
Víkingar voru 3-0 yfir þegar að flautað var til hálfleiks en þriðja mark Víkinga var vægast sagt skrautlegt.
„Mér fannst 2-0 vera verðskuldað en þriðja markið sló okkur útaf laginu og kom í andlitið á okkur. Það voru deildar meiningar um það. Eftir að við fáum víti og setjum mark fékk maður von um að hægt væri að klífa upp brekkuna en hún var of brött í dag."
Pétur Viðarsson þurfti að fara útaf í fyrri hálfleik vegna höfuðhöggs sem að hann hlaut og var þá Þórir Jóhann færður niður í miðvörðinn, en það er staða sem að hann hefur ekki leikið áður.
„Það var vont að þurfa að setja miðjumann í miðvarðarstöðuna. Við vorum með 15 ára strák, sem að hefði ekki fengið leyfi til að vera boltastrákur hérna í kvöld, á bekknum sem að spilaði hafsent í síðasta leik en mér fannst ekki forsvaranlegt að setja hann inná í akkúrat þessum leik." sagði Óli um taktíkina.
Nánar er rætt við Óla í spilaranum að ofan.
