„Já, mér fannst það líka,“ sagði Halldór Jón Sigurðsson þjálfari Tindastóls þegar hann var spurður að því hvort að úrslit leiksins hafi verið harkaleg miðað við það hvernig leikurinn spilaðist. „Hinsvegar fékk KA líka ágætis færi til að skora fleiri mörk. KA er með gott lið og í dag gekk allt upp hjá þeim, þegar það gengur allt upp hjá góðu liði þá er erfitt að eiga við það. Við spiluðum líka leikinn illa.“
Lestu um leikinn: KA 5 - 1 Tindastóll
Það gekk illa að ná upp góðu spili í þessum leik, einhver skýring á því?
„Við höfum misst núna tvo menn sem hafa spilað nánast alla leikina. Einn sem hefur spilað alla leikina og hann er frá út allt tímabilið, Atli Arnarson sem hefur verið algjörlega frábær í okkar liði. Svo missum við líka Rodrigo Morin og þeir hafa verið að mynda miðjuna ásamt öðrum allt tímabilið nánast.“
Nánar er rætt við Donna í sjónvarpinu hér fyrir ofan.
