,,Við þurftum að vinna til að halda okkur frá KF og eigum úrslitaleik gegn þeim í næstu umferð. Þetta eru mjög kærkomin þrjú stig," sagði Trausti Sigurbjörnsson markvörður Þróttar eftir 1-3 sigur á Fjölni í Grafarvoginum í kvöld.
Lestu um leikinn: Fjölnir 1 - 3 Þróttur R.
Aron Ýmir Pétursson sem lék áður með Trausta hjá ÍA en kom til Þróttar í glugganum skoraði glæsilegt annað mark Þróttar með skoti frá vítateigshorninu og í fjær.
,,Ég sagði við hann fyrir leikinn að það væri kominn tími á þennan sekk að skora mark. Hann hafði ekki skorað mark í meistaraflokksleik síðan hann byrjaði. Ég var að djóka við han fyrir leikinn að hann ætti að kötta inn og skjóta. Skagablóðið talar þarna á milli og hann ákvað að kötta inn og negldi honum, frábært mark."
Trausti fékk sjálfur áminningu í lokin fyrir að skamma Sigurð Óla dómara hvað gekk á þar?
,,Mér fannst kjánalegt hvernig Fjölnismaðurinn kom í tæklinguna. Ég er með hausinn á jörðinni og lítið sem ég get gert til að verja hann. Mér fannst óþægilegt að geta fengið sóla á móti mér. Ég tók 3-4 sekúndna snapp. Hef gert það nokkrum sinnum, gott að ég fékk ekki meira en gult ef ég fékk gult."
