Það er búið að vera nokkuð um umdeildar vítaspyrnur í ensku úrvalsdeildinni til þessa á þessu tímabili eftir strangar reglubreytingar um vítaspyrnur þar sem boltinn fer í hendi varnarmanns.

Allir helstu knattspyrnufræðingar á Englandi hafa gagnrýnt nýju reglurnar og kalla eftir því að þeim verði breytt aftur til að takmarka skaðann sem þetta hefur á leikinn.

Það var fundur haldinn í dag og þar var samþykkt að dómarar megi nota sína huglægu skoðun meira innan þeirra reglna sem eru í gildi.

Inn á vef The Athletic segir: „Nálægð og staða hendinnar er lykilatriði í breytingunni. Vítin sem voru gefin gegn Joel Ward og Victor Lindelöf yrðu ekki vítaspyrnur lengur. Ákvarðanirnar gegn Eric Dier og Neal Maupay, til dæmis, myndu áfram standa sem vítaspyrnur."

Sagt er að þessi breyting muni eiga sér stað fyrir leiki næstu helgar.