Chelsea leiddi 1-0 í hálfleik en Tottenham kom sterkari inn í seinni hálfleikinn og náði að jafna seint í honum. Spurs hafði svo betur í vítaspyrnukeppni.

„Ég sagði við leikmennina áður en við fórum í vítaspyrnukeppnina að við hefðum verið stórkostlegir í seinni hálfleiknum. Liðið beið eftir rétta augnablikinu."

„Ég verð að hugsa um þrjá leiki á sama tíma en leikmennirnir hugsuðu bara um þennan leik. Þeir voru stórkostlegir."

Tottenham gerði 1-1 jafntefli við Newcastle síðasta sunnudag. „Við reyndum að skipuleggja liðið með leikmönnum sem gátu spilað. Ég verð að hrósa Eric Dier á sérstakan hátt. Það ætti að vera bannað fyrir fótboltamenn að spila tvo leiki á 48 klukkustundum. Það sem hann gerði er ekki mannlegt."

„Mér hefur oft ekki gengið vel í vítaspyrnukeppnum en ég hafði góða tilfinningu fyrir því að það myndi allt ganga vel."