Manchester United er tveimur mörkum undir gegn Southampton og skrifast annað mark heimamanna á spænska landsliðsmarkvörðinn David de Gea.
James Ward-Prowse skoraði þá beint úr aukaspyrnu en De Gea virtist vel staðsettur. Spánverjinn var kominn í hornið tímanlega en misreiknaði eitthvað líkamsstöðu sína því hann hleypti knettinum klaufalega í netið.
De Gea virtist meiðast í markinu og fór Dean Henderson að hita upp en Rauðu djöflarnir hafa ekki enn framkvæmt skiptinguna.
Man Utd er í slæmri stöðu í ensku úrvalsdeildinni og þarf að koma til baka gegn sterku liði Southampton. Southampton fer upp í þriðja sæti með sigri.
Avikið má sjá með að smella hér.
Athugasemdir
