Mourinho getur bætt enn einum titlinum við í safnið.
Úrslitaleikur Evrópudeildarinnar fer fram annað kvöld þegar Roma og Sevilla mætast á Puskas vellinum í Búdapest.
Sevilla hefur unnið keppnina sex sinnum, oftar en nokkuð annað félag, og hefur aldrei tapað úrslitaleik Evrópudeildarinnar. Jose Mourinho stjóri Roma hefur unnið alla úrslitaleiki í Evrópukeppni sem hann hefur tekið þátt í.
Sevilla hefur unnið keppnina sex sinnum, oftar en nokkuð annað félag, og hefur aldrei tapað úrslitaleik Evrópudeildarinnar. Jose Mourinho stjóri Roma hefur unnið alla úrslitaleiki í Evrópukeppni sem hann hefur tekið þátt í.
„Maður horfir á Sevilla og segir: 'Sevilla vinnur alla úrslitaleiki'. Ég trúi ekki á hjátrú. Þetta er nýr úrslitaleikur, ný saga," segir Mourinho.
Sigurvegari leiksins mun komast í Meistaradeildina á næsta tímabili. Hvorugt liðanna náði að enda í topp fjórum í sinni deild og ef Sevilla tapar mun liðið ekki taka þátt í Evrópukeppni á næsta tímabili. Spænska liðið endaði í 11. sæti í La Liga og var í fallbaráttu um tíma.
Sevilla vann Evrópudeildina 2006, 2007, 2014, 2015, 2016 og 2020. Jose Luis Mendilibar, stjóri liðsins, er 62 ára og hefur víða komið við. Hann hefur aldrei unnið stóran bikar í Evrópu.
Mourinho hefur hinsvegar unnið Meistaradeildina með Porto og Inter, deildir og bikar í Portúgal, Englandi, Ítalíu og Spáni, Evrópudeildina með Porto og Manchester United og Sambandsdeildina með Roma á síðasta tímabli.
„Er ég meðvitaður um að ég get orðið fyrsti þjálfarinn til að vinna keppnina með þremur mismunandi félögum? Mér er í raun alveg sama. Ég hugsa bara út í gleðina sem við getum fært stuðningsmönnum," segir Mourinho við heimasíðu UEFA.
Athugasemdir
