Carson Pickett er komin í sögubækurnar eftir að hafa verið sú fyrsta til að spila fyrir bandaríska A-landsliðið án parts af útlim.
Pickett er 28 ára gömul og fæddist án vinstri handar. Hún leikur með North Carolina Courage og hefur spilað yfir 100 leiki í efstu deild kvenna.
Pickett var valin í draumalið júní mánaðar í deildinni og var það draumur að rætast þegar hún fékk að spila sinn fyrsta A-landsleik, en hún hafði áður spilað nokkrum sinnum með yngri landsliðunum.
Pickett spilaði 90 mínútur í 2-0 sigri í æfingaleik gegn Kólumbíu á þriðjudaginn. Hún vonast til að vera í landsliðshópnum fyrir næstu leiki í undankeppni HM í júlí.
Athugasemdir
