Lopez er 37 ára gamall en allt hófst þetta hjá River Plate í Argentínu þar sem hann þótti gríðarlegt efni.

Ferillinn fór á flug árið 2004 er Barcelona keypti hann frá River fyrir 6,2 milljónir evra. Hann varð spænskur meistari í tvígang og vann Meistaradeild Evrópu á þeim tveimur árum sem hann eyddi hjá félaginu.

Síðan þá hefur hann skipt reglulega um félag og sérstaklega á Ítalíu þar sem hann lék með Milan, Sampdoria, Chievo, Torino, Udinese, Crotone og nú síðast Sambanadettese.

Þrátt fyrir að hafa spilað á hæsta stigi öll þessi ár þá áskotnaðist honum aldrei þann heiður að spila fyrir Argentínu. Hann var einnig með ítalskt vegabréf en aldrei kom það til greina.

Í seinni tíð þá var hann reglulega í fréttunum vegna fyrrverandi eiginkonu hans, Wöndu, sem hætti með Maxi og fór að rugla saman reytum með Mauro Icardi, sem var besti vinur hans er þeir spiluðu saman hjá Sampdoria.