Annað kvöld mætast Breiðablik og Víkingur í undanúrslitum Mjólkurbikarsins. Rætt var við Arnar Gunnlaugsson þjálfara Víkings í dag og var hann spurður út í stöðuna á leikmannahópi Víkings.
Davíð Örn Atlason, Halldór Smári Sigurðsson og Karl Friðleifur Gunnarsson hafa ekki spilað í síðustu leikjum, Halldór hefur verið fjarri góðu gamni í talsverðan tíma.
„Davíð er út næstu fjóra mánuði, það er slit í magavöðva hjá honum - rifa og hann er bara frá. Halli er byrjaður að æfa og Kalli spilar leikinn á morgun," sagði Arnar.
Nikolaj Hansen verður einnig með á morgun. „Við erum að fá sterka pósta til baka á hárréttum tíma. Logi gat sem betur fer klárað leikinn á móti KA, Arnór Borg fékk mínútur þannig við erum bara að verða í toppmálum," sagði Arnar.
Arnar ræddi meira um leikinn í viðtalinu sem má í heild sinni nálgast hér að neðan.
Athugasemdir