Gianni Infantino, forseti FIFA, er ekki sá vinsælasti um þessar mundir meðan HM er í gangi í Katar.
Infantino og FIFA hafa tekið ýmsar ákvarðanir sem hafa ekki fallið vel í kramið á vestrænum þjóðum á borð við Wales og England. Til dæmis virðist orðið 'ást' vera bannað á HM og þá eru regnbogar og regnbogalitir einnig bannaðir, auk áfengis.
Infantino er duglegur að horfa á leiki á HM og var hann að sjálfsögðu mættur á áhorfendapallana þegar Wales og England mættust við í nágrannaslag í lokaumferð riðlakeppninnar.
Infantino sat í mestu makindum að njóta sýningarinnar þegar vallarmyndavélinni var beint að honum. Hann birtist því á risaskjánum á leikvanginum og um leið tók allur leikvangurinn að baula.
Athugasemdir
