Stjórn knattspyrnudeildar KR ákvað á fundi sínum nú morgun að vísa ákvörðun stjórnar KSÍ, um að hætta keppni í Íslands- og bikarmóti, til árýjunardómstóls sambandsins.

KR telur að ákvörðun stjórnarinnar, er byggir á reglugerð stjórnar, fari gegn ákvæðum laga sambandsins en þetta kemur fram í yfirlýsingu frá félaginu.

KR missti af Evrópusæti í karlaflokki en liðið var í 5. sæti í Pepsi Max-deilinni þegar leik var hætt og í undanúrslitum í Mjólkurbikarnum. Kvennalið KR féll úr Pepsi Max-deildinni.

Í yfirlýsingu segjast KR ætla að krefjast þess að ákvörðun stjórnar KSÍ verði felld úr gildi en stjórnin ákvað í gær að leik yrði hætt á Íslandsmótinu og í bikarkeppninni.