Birkir Már Sævarsson var í morgun kjörinn íþróttamaður ársins hjá Val.
Birkir Már átti vægast sagt frábært ár í knattspyrnunni. Hinn 33 ára gamli Birkir yfirgaf sænska félagið Hammarby fyrir rúmlega ári síðan og skrifaði undir hjá Val.
Hann var hluti af íslenska landsliðinu sem keppti á Heimsmeistaramótinu í Rússlandi í sumar. Hann náði meðal annars að halda Lionel Messi, Angel Di Maria og Sergio Aguero í skefjum í 1-1 jafntefli íslenska liðsins við það argentíska.
Birkir var algjör lykilmaður Vals sem að varð Íslandsmeistari í sumar, nokkuð sannfærandi.
Í fyrra var handboltamaðurinn Orri Freyr Gíslason kjörinn íþróttamaður ársins hjá Val en þar á undan vann Bjarni Ólafur tvö ár í röð.
Athugasemdir