Lars Lagerback.
Lars Lagerback landsliðsþjálfari Íslands ræddi við íslenska fjölmiðla í rúmar tíu mínútur eftir 2 - 0 sigurinn á Færeyjum á Laugardalsvelli í kvöld. Þetta var síðasti æfingaleikur Íslands áður en forkeppni Heimsmeistaramótsins 2014 hefst.
Hér að ofan er hægt að sjá frétttamannafundinn í heild sinni en fleiri brot úr honum verða birt í íslenskri þýðingu hér að neðan síðar í kvöld.
Hér að ofan er hægt að sjá frétttamannafundinn í heild sinni en fleiri brot úr honum verða birt í íslenskri þýðingu hér að neðan síðar í kvöld.
,,Maður veit aldrei hvers á að vænta í leik en það mikilvægasta er að við höfðum rétt viðhorf og unnum leikinn. Við héldum hreinu og þeir áttu bara eitt gott marktækifæri," sagði Lars Lagerback landsliðsþjálfari Íslands eftir 2-0 sigur á Færeyjum í kvöld.
,,Hluta leiksins spiluðum við ekki eins vel og ég hafði vonast eftir en ég er mjög ánægður með sigurinn og mjög ánægður með að 7000 manns gáfu okkur aukinn kraft og gott andrúmsloft. Ég er mjög sáttur með sigurinn."
,,Þegar maður spilar gegn liðum eins og Færeyjum sem eru virkilega vel skipulagðir og sterkir líkamlega verður að gefa þeim smá áskorun með löngum sendingum og reyna að byggja upp sóknir aftur og aftur eins og við höfum æft. En þetta er erfitt þegar þeir spila svona agað. Ég get ekki sagt að ég sé vonsvikinn. En það sem ég er ósáttastur við er þegar við töpuðum boltanum nokkrum sinnum, við megum ekki tapa honum. Það getur orðið hættulegt. Þeir unnu vel í að ná honum aftur en ég er vonsvikinn með þetta."
