Freddie Ljungberg, sem nú stýrir Arsenal, vill sækja í viskubrunn Arsene Wenger og Sven Göran-Eriksson.
Arsenal mætir Brighton á morgun og verður það annar leikur Ljungberg við stjórnvölinn, en hann stýrir Arsenal til bráðabirgða eftir að Unai Emery var rekinn.
Ljungberg spilaði undir stjórn Wenger hjá Arsenal, en á fréttamannafundi í gær sagði hann: „Ég hef ekki enn talað við hann, en ég myndi vilja gera það. Ég er í sambandi við hann, en ég hef ekki náð að tala við hann vegna þess að það hefur verið mjög mikið að gera. Það er á verkefnalistanum mínum að ræða við hann."
„Hann var hér sem þjálfari í 22 ár og hefur mikla reynslu. Það eru örugglega einhverjir hlutir sem eru mikilvægir að hans mati sem hann getur deilt með mér og gert mig að betri þjálfara. Það er það sem ég vil spyrja hann að."
Ljungberg vill líka ræða við Eriksson, annan reynslubolta í fótboltaþjálfun. Ljungberg spilaði aldrei undir stjórn hins 71 árs gamla Eriksson, en hefur oft rætt við hann og heyrt góðar sögur af honum.
Eriksson er síðasti Svíinn sem stýrði félagi í ensku úrvalsdeildinni áður en Ljungberg tók við hjá Arsenal. Eriksson er fyrrum landsliðsþjálfari Englands, en hann stýrði einnig Manchester City og Leicester á Englandi.
„Sven er gáfaður. Ég talaði mikið við hann þegar hann var landsliðsþjálfari Englands vegna þess að hann kom oft og horfði á leikina okkar (hjá Arsenal)," sagði Ljungberg.
„Ég hef heyrt sögur um það hvernig hann kom fram við leikmenn og hvernig hann lét þeim líða vel. Þannig sögur."
„Ég hef stolið nokkrum af þeim hugmyndum. Hann er frábær þjálfari. Það er orðið langt síðan síðast, en ég myndi vilja ræða við hann fljótlega."
Ljungberg, sem er 42 ára, hætti að spila árið 2014. Hann lék með Arsenal frá 1998 til 2007 og kom aftur til félagsins sem þjálfari U23 liðsins í fyrra. Hann fékk svo stöðuhækkun fyrir þetta tímabil og kom inn í þjálfarateymi Unai Emery. Núna er hann svo orðinn bráðabirgðastjóri og mun stýra liðinu í annað sinn á morgun.
Sjá einnig:
Jakkaföt Ljungberg í hreinsun
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 35 | 23 | 7 | 5 | 67 | 26 | +41 | 76 |
| 2 | Man City | 33 | 21 | 7 | 5 | 66 | 29 | +37 | 70 |
| 3 | Man Utd | 35 | 18 | 10 | 7 | 62 | 46 | +16 | 64 |
| 4 | Liverpool | 35 | 17 | 7 | 11 | 57 | 46 | +11 | 58 |
| 5 | Aston Villa | 34 | 17 | 7 | 10 | 47 | 42 | +5 | 58 |
| 6 | Bournemouth | 35 | 12 | 16 | 7 | 55 | 52 | +3 | 52 |
| 7 | Brentford | 35 | 14 | 9 | 12 | 52 | 46 | +6 | 51 |
| 8 | Brighton | 35 | 13 | 11 | 11 | 49 | 42 | +7 | 50 |
| 9 | Chelsea | 34 | 13 | 9 | 12 | 53 | 45 | +8 | 48 |
| 10 | Fulham | 35 | 14 | 6 | 15 | 44 | 49 | -5 | 48 |
| 11 | Everton | 34 | 13 | 8 | 13 | 41 | 41 | 0 | 47 |
| 12 | Sunderland | 35 | 12 | 11 | 12 | 37 | 46 | -9 | 47 |
| 13 | Newcastle | 35 | 13 | 6 | 16 | 49 | 51 | -2 | 45 |
| 14 | Leeds | 35 | 10 | 13 | 12 | 47 | 52 | -5 | 43 |
| 15 | Crystal Palace | 34 | 11 | 10 | 13 | 36 | 42 | -6 | 43 |
| 16 | Nott. Forest | 34 | 10 | 9 | 15 | 41 | 45 | -4 | 39 |
| 17 | West Ham | 35 | 9 | 9 | 17 | 42 | 61 | -19 | 36 |
| 18 | Tottenham | 34 | 8 | 10 | 16 | 43 | 53 | -10 | 34 |
| 19 | Burnley | 35 | 4 | 8 | 23 | 35 | 71 | -36 | 20 |
| 20 | Wolves | 35 | 3 | 9 | 23 | 25 | 63 | -38 | 18 |
