Topplið Inter byrjar daginn í ítalska boltanum á heimavelli gegn Atalanta sem fékk niðurlægingu á heimavelli í miðri viku í Meistaradeildinni.
Inter er með sjö stiga forystu á toppi Serie A þegar tíu umferðir eru eftir en liðið tapaði gegn nágrönnum sínum í AC Milan um síðustu helgi.
Atalanta, sem er einnig í nágreninu, getur freistað þess að setja enn meiri pressu á Inter í titilbaráttunni. Leikmenn Inter verða þó úthvíldir þar sem þeir voru slegnir afar óvænt úr leik af Bodö/Glimt í umspilinu og spiluðu því ekki í miðri viku á meðan Atalanta fékk sex mörk á sig gegn FC Bayern.
Atalanta er í harðri baráttu um evrópusæti og því er mikið undir fyrir lærlinga Raffaele Palladino.
Ítalíumeistarar Napoli eiga svo heimaleik við fallbaráttulið Lecce. Napoli er í góðri stöðu í baráttunni um meistaradeildarsæti á meðan Lecce er þremur stigum fyrir ofan fallsvæðið. Þórir Jóhann Helgason er samningsbundinn félaginu en hefur ekki komið við sögu síðan í byrjun janúar.
Að lokum tekur Udinese á móti Juventus í áhugaverðum norðanslag. Juve er í baráttu um sæti í Meistaradeildinni á meðan Udinese siglir lygnan sjó, en það er mikið stolt undir í þessari viðureign svarthvítu norðanliðanna.
Leikir dagsins
14:00 Inter - Atalanta
17:00 Napoli - Lecce
19:45 Udinese - Juventus
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 32 | 24 | 3 | 5 | 75 | 29 | +46 | 75 |
| 2 | Napoli | 32 | 20 | 6 | 6 | 48 | 31 | +17 | 66 |
| 3 | Milan | 32 | 18 | 9 | 5 | 47 | 27 | +20 | 63 |
| 4 | Juventus | 32 | 17 | 9 | 6 | 55 | 29 | +26 | 60 |
| 5 | Como | 32 | 16 | 10 | 6 | 56 | 26 | +30 | 58 |
| 6 | Roma | 32 | 18 | 3 | 11 | 45 | 28 | +17 | 57 |
| 7 | Atalanta | 32 | 14 | 11 | 7 | 44 | 28 | +16 | 53 |
| 8 | Bologna | 32 | 14 | 6 | 12 | 42 | 37 | +5 | 48 |
| 9 | Lazio | 32 | 11 | 11 | 10 | 32 | 30 | +2 | 44 |
| 10 | Udinese | 32 | 12 | 7 | 13 | 38 | 42 | -4 | 43 |
| 11 | Sassuolo | 32 | 12 | 6 | 14 | 39 | 43 | -4 | 42 |
| 12 | Torino | 32 | 11 | 6 | 15 | 37 | 54 | -17 | 39 |
| 13 | Genoa | 32 | 9 | 9 | 14 | 38 | 45 | -7 | 36 |
| 14 | Parma | 32 | 8 | 12 | 12 | 23 | 40 | -17 | 36 |
| 15 | Fiorentina | 32 | 8 | 11 | 13 | 37 | 44 | -7 | 35 |
| 16 | Cagliari | 32 | 8 | 9 | 15 | 33 | 44 | -11 | 33 |
| 17 | Cremonese | 32 | 6 | 9 | 17 | 26 | 47 | -21 | 27 |
| 18 | Lecce | 32 | 7 | 6 | 19 | 21 | 45 | -24 | 27 |
| 19 | Verona | 32 | 3 | 9 | 20 | 23 | 55 | -32 | 18 |
| 20 | Pisa | 32 | 2 | 12 | 18 | 23 | 58 | -35 | 18 |
