Karim Benzema mun yfirgefa Real Madrid í sumar eftir fjórtán ár hjá félaginu. Þetta segir félagaskiptasérfæðingurinn Gianluca Di Marzio.
Hann greinir frá því að Benzema sé búinn að samþykkja risa samningstilboð frá Sádí-Arabíu. Benzema verður samningslaus í sumar og Al Ittihad vill fá hann í sínar raðir.
Hann greinir frá því að Benzema sé búinn að samþykkja risa samningstilboð frá Sádí-Arabíu. Benzema verður samningslaus í sumar og Al Ittihad vill fá hann í sínar raðir.
Di Marzio segir að Benzema muni tilkynna ákvörðun sína á fréttamannafundi seinna í dag sem hefur verið skipulagður fyrir þessa tilkynningu.
Benzema hefur skorað 354 mörk og lagt upp 165 í 647 leikjum í öllum keppnum með Real.
Benzema er 35 ára framherji sem kom frá uppeldisfélagi sínu Lyon sumarið 2009. Hjá Real hefur hann unnið deildina fjórum sinnum, bikarinn þrisvar sinnum, spænska ofurbikarinn þrisvar sinnum, Meistaradeildina fimm sinnum, Ofurbikar Evrópu fjórum sinnum og HM félagsliða fimm sinnum.
Athugasemdir
