Inter tryggði sér annað sæti ítölsku úrvalsdeildarinnar með flottum 2-0 útisigri gegn Atalanta í lokaumferð deildarinnar.
Það voru fjórir leikir að klárast í lokaumferðinni.
Það voru fjórir leikir að klárast í lokaumferðinni.
Inter og Atalanta eru þau lið sem hafa skorað flest mörk í deildinni, en Atalanta tókst ekki að fara yfir 100 mörk. Þeim vantaði tvö mörk í kvöld til að ná í 100 mörkin.
Danilo D'Ambrosio kom Inter yfir eftir eina mínútu og skoraði Ashley Young annað markið á 20. mínútu. Þar við sat og sigur Inter staðreynd.
Atalanta á eftir tæpar tvær vikur leik gegn Paris Saint-Germain í 8-liða úrslitum Meistaradeildarinnar. Inter er í Evrópudeildinni og mun þar mæta Getafe.
Ítalíumeistarar Juventus töpuðu gegn Roma á heimavelli en Roma hafnar í fimmta sæti, með fjórum stigum meira en AC Milan sem hafnar í sjötta sæti. AC Milan hefur endað mótið mjög vel og vann 3-0 sigur á Cagliari í kvöld.
Ciro Immobile, markahæsti leikmaður deildarinnar, skoraði sitt 36. mark 3-1 sigri Napoli gegn Lazio. Napoli hafnar í sjöunda sæti og Lazio í fjórða sæti.
Á morgun klárast svo deildin með fimm leikjum.
Milan 3 - 0 Cagliari
1-0 Ragnar Klavan ('10 , sjálfsmark)
1-0 Zlatan Ibrahimovic ('44 , Misnotað víti)
2-0 Zlatan Ibrahimovic ('55 )
3-0 Samu Castillejo ('57 )
Atalanta 0 - 2 Inter
0-1 Danilo D'Ambrosio ('1 )
0-2 Ashley Young ('20 )
Napoli 3 - 1 Lazio
1-0 Fabian Ruiz ('9 )
1-1 Ciro Immobile ('22 )
2-1 Lorenzo Insigne ('54 , víti)
3-1 Matteo Politano ('90 )
Juventus 1 - 3 Roma
1-0 Gonzalo Higuain ('5 )
1-1 Nikola Kalinic ('23 )
1-2 Diego Perotti ('44 , víti)
1-3 Diego Perotti ('52 )
Önnur úrslit:
Ítalía: Birkir ekki í hóp í lokaleik tímabilsins
Athugasemdir