Lögreglan í Birmingham í átökum gegn stuðningsmönnum pólska liðsins.
Átök brutust út milli lögreglu og stuðningsmanna Legia Varsjá frá Póllandi fyrir leik gegn Aston Villa í Birmingham í gær. Breska ríkisútvarpið greinir frá því að fjórir lögreglumenn hafi slasast.
Í tilkynningu lögreglunnar segir að þeir hafi þurft að starfa við stórhættulegar aðstæður, meðal annars hafi blysum verið kastað í þá. Einn af slösuðu lögreglumönnunum var fluttur á sjúkrahús. Tveir lögregluhestar og tveir lögregluhundar særðust einnig.
Hópur af boltabullum sem ekki voru með miða á leikinn reyndi að komast inn á leikvanginn en á endanum var tekin ákvörðun um að enginn áhorfandi gestaliðsins fengi að fara inn.
Í tilkynningu lögreglunnar segir að þeir hafi þurft að starfa við stórhættulegar aðstæður, meðal annars hafi blysum verið kastað í þá. Einn af slösuðu lögreglumönnunum var fluttur á sjúkrahús. Tveir lögregluhestar og tveir lögregluhundar særðust einnig.
Hópur af boltabullum sem ekki voru með miða á leikinn reyndi að komast inn á leikvanginn en á endanum var tekin ákvörðun um að enginn áhorfandi gestaliðsins fengi að fara inn.
Þetta er alls ekki í fyrsta sinn sem stuðningsmenn Legia Varsjá eru til vandræða. Hollenskir lögregluþjónar slösuðust í kringum leik Legia gegn AZ Alkmaar í síðasta mánuði.
Þess má geta að Aston Villa vann leikinn 2-1 en Alex Moreno skoraði sigurmarkið. Villa er komið á topp riðilsins í Sambandsdeildinni.
Legia fans before kick off @AVFCOfficial @europacnfleague pic.twitter.com/xukWtD8cZd
— kyle richardson (@kyleavfc1874) November 30, 2023
Athugasemdir
