Þýskaland: Marmoush heldur áfram að heilla - Mainz vann þriðja leikinn í röð

Omar Marmoush hefur verið í frábæru formi á tímabilinu

Mynd: Getty Images

Omar Marmoush hefur verið í frábæru formi á tímabilinu

Mynd: Getty Images

Omar Marmoush skoraði tvö mörk er Eintracht Frankfurt vann Heidenheim, 4-0, í þýsku deildinni í dag.

Egyptinn hefur farið á kostum með Frankfurt á tímabilinu og verið einn mest spennandi leikmaður Evrópuboltans.

Hann var aðalmaður Frankfurt í dag. Marmoush skoraði af stuttu færi á 22. mínútu áður en Fares Chaibi tvöfaldaði forystuna með góðu marki snemma í síðari hálfleik.

Marmoush gerði annað mark sitt í leiknum níu mínútum síðar er hann lék á hægri bakvörð Heidenheim, keyrði upp vænginn og lagði boltann snyrtilega framhjá markverði heimamanna.

Þetta var 13. deildarmark Marmoush á tímabilinu, en hann hefur einnig gefið sjö stoðsendingar. Franski sóknarmaðurinn Hugo Ekitike skoraði fjórða og síðasta mark Frankfurt í leiknum þegar lítið var eftir.

Frankfurt er í öðru sæti með 26 stig, fjórum stigum frá toppliði Bayern.

Mainz vann þá góðan 2-0 sigur á Hoffenheim. Jonathan Michael Burkardt skoraði bæði mörk heimamanna með tuttugu mínútna millibili í fyrri hálfleik.

Liðið er á góðu róli þessa stundina en það er komið með þrjá sigurleiki í röð og situr nú í 7. sæti með 19 stig.

Heidenheim 0 - 4 Eintracht Frankfurt
0-1 Omar Marmoush ('22 )
0-2 Fares Chaibi ('49 )
0-3 Omar Marmoush ('58 )
0-4 Hugo Ekitike ('90 )

Mainz 2 - 0 Hoffenheim
1-0 Jonathan Michael Burkardt ('4 )
2-0 Jonathan Michael Burkardt ('24 )

Stöðutafla

#	Lið	L	mun	Stig
1	Dortmund	4	+7	12
2	Bayern	4	+12	10
3	Freiburg	4	+9	10
4	Augsburg	4	+5	7
5	Leverkusen	4	+5	7
6	Mainz	4	+4	7
7	Elversberg	4	+1	7
8	Werder	4	0	7
9	RB Leipzig	4	+4	6
10	Frankfurt	4	-1	5
11	Schalke 04	4	-1	5
12	Paderborn	4	-2	4
13	Köln	4	-3	4
14	Hoffenheim	4	-3	3
15	Stuttgart	4	-3	3
16	Hamburger	4	-11	3
17	Union Berlin	4	-13	1
18	Gladbach	4	-10	0