Bergrós í svissnesku úrvalsdeildina (Staðfest)

„Mér líst mjög vel á aðstæður hér í Sviss, bæði stelpurnar og þjálfarateymið og við erum spenntarfyrir því að hefja deildarkeppnina. Við eigum fyrsta leik 10. ágúst og höfum verið á fullu á undirbúningstímabilinu seinustu vikur,“ sagði Bergrós í samtali við sunnlenska.is.

Bergrós samdi við Arezzo á Ítalíu síðasta haust. Hún lék alls 17 leiki með liðinu í Serie-B í fyrra en hún varð fyrir því óláni að fara úr ökklalið snemma í apríl.

„Svo fékk ég þetta tækifæri í Sviss núna í sumar og ákvað að stökkva á það. Ég er komin svona 70% til baka eftir meiðslin en ég er mjög heppin með sjúkraþjálfun hérna í Sviss þannig að þetta er allt að koma til,“ bætti Bergrós svo við.

Það verður spennandi að fylgjast með henni stíga sín fyrstu skref í svissnesku úrvalsdeildinni.