Íslenskir dómarar munu dæma í UEFA Youth League, Evrópukeppni félagsliða, miðvikudaginn 5. október.
Leikurinn er á milli Hibernian FC Youth frá Skotlandi og Molde sem er frá Noregi.
Helgi Mikael Jónasson verður aðaldómari í leiknum og þeir Kristján Már Ólafs og Eysteinn Hrafnkelsson verða honum til aðstoðar.
Leikurinn hefst klukkan 18:00 að íslenskum tíma á miðvikudaginn. Þetta er síðari leikur liðanna í einvígi. Molde vann fyrri leikinn á heimavelli sínum, 1-0.
Þetta er ekki fyrsta einvígið sem Helgi Mikael og hans teymi fær að dæma á erlendri grundu en þeir dæmdu leik Barcelona og Viktoria Plzen í þessari sömu keppni í síðasta mánuði. Þá dæmdi Helgi Mikael tvo leiki í undankeppni EM U19 karla í síðasta mánuði.
Athugasemdir