Liverpool segir að starfsfólk muni fá laun sín greidd að fullu og segist félagið með þessu vera að reyna að tryggja að starfsfólkið haldi störfum sínum í þessari krísu sem nú er í gangi.

Enska úrvalsdeildin er ekki í gangi vegna kórónuveirunnar og hefur það fjárhagsleg áhrif á félög deildarinnar.

Önnur félög hafa eins og Bournemouth, Newcastle, Norwich og Tottenham hafa nýtt sér úrræðið og hefur það verið gagnrýnt, sérstaklega í ljósi þess að leikmenn hafa ekki enn formlega tekið á sig launalækkun.

Forráðamenn ensku úrvalsdeildarinnar og leikmannasamtakana munu ræða saman í dag um mögulega launalækkun leikmanna.

Þaulreyndi blaðamaðurinn Henry Winter gagnrýnir Liverpool á Twitter og segir að eins ríkt félag eigi ekki að vera að nýta sér slíkt úrræði. Hann skrifar: „Bjóst við meiru frá Liverpool. Þetta úrræði var sett af stað til að hjálpa smærri og viðkvæmari fyrirtækjum í þessum stormi, ekki gefa ríkum knattspyrnufélögum peninga skattgreiðenda."

Líður ekki eins og fjölskyldumeðlimi
BBC ræddi við starfsmann Liverpool sem vildi ekki koma fram undir nafni. Stafsmaðurinn sagði: „Félagið talar um að starfsfólk sé eins og fjölskylda, en mér líður ekki eins og fjölskyldumeðlimi."

Starfsmaðurinn tekur í sama streng og Winter. Hann skilur ekki hvers vegna ríkt félag eins og Liverpool skuli nota þetta úrræði.