Franski kantmaðurinn Ousmane Dembele getur ekki spilað annan deildarleik fyrir Barcelona á leiktíðinni.
Dembele spilaði fimm deildarleiki áður en hann meiddist illa. Hann átti að vera frá út tímabilið en svo skall kórónaveiran á. Nú er Dembele því nánast klár í slaginn.
Hann er þó ekki gjaldgengur í spænsku deildina vegna þess að Börsungar skráðu Martin Braithwaite í hans stað þegar Daninn var keyptur í febrúar.
Hinn 22 ára Dembele er því aðeins gjaldgengur til að spila þá Meistaradeildarleiki sem eru eftir á leiktíðinni.
Athugasemdir