Franska félagið PSG hefur tilkynnt að félagið hafi slitið samstarfi sínu við stjórann Mauricio Pochettino. Félagið þakkar Pochettino fyrir hans vinnu og óskar honum velfarnaðar í framtíðinni.
Brottrekstur Pochettino hefur legið í loftinu síðustu vikurnar og er fastlega búist við því að Christophe Galtier, fyrrum stjóri Lille og Nice, verði ráðinn nýr stjóri félagsins.
Pochettino tók við sem stjóri PSG í janúar 2021 eftir að Thomas Tuchel var látinn fara í lok árs 2020. PSG varð franskur bikarmeistari fyrir ári síðan og vann svo sinn 10. meistaratitil í vor.
Pochettino, sem er fimmtugur Argentínumaður, hefur á sínum ferli stýrt Espanyol, Southampton, Tottenham og PSG.
Athugasemdir
