Í Innkastinu er rætt um það atvik sem svíður mest fyrir KR-inga eftir 1-0 tapið gegn Val í stórleik Pepsi Max-deildarinnar.
„Það er færið sem Kristján Flóki fékk en varið var frá honum. Hann hefði bara þurft að renna boltanum á Kjartan Henry sem hefði skorað og komið KR yfir," segir Elvar Geir Magnússon en færið kom á 62. mínútu, þegar staðan var markalaus.
„Það er færið sem Kristján Flóki fékk en varið var frá honum. Hann hefði bara þurft að renna boltanum á Kjartan Henry sem hefði skorað og komið KR yfir," segir Elvar Geir Magnússon en færið kom á 62. mínútu, þegar staðan var markalaus.
„VÁ! KRISTJÁN FLÓKI!!! Óskar á frábæra sendingu í gegn og þar eru Flóki og Kjartan tveir á móti markmanni, Flóki ákveður að skjóta, beint á Hannes sem slær í horn með Kjartan aleinan inn í markteignum. Sá var ekki glaður. LANGbesta færið hingað til," skrifaði Magnús Þór Jónsson í textalýsingu frá leiknum.
Í Innkastinu er fabúlerað um hvort Kristján Flóki hafi vitað af Kjartani en Benedikt Bóas Hinriksson, sem var í stúkunni, telur svo hafa verið.
„Það er vont ef hann tók meðvitaða ákvörðun um að skjóta sjálfur. Því færið er ekki gott, xG-ið er ekki gott," segir Tómas Þór Þórðarson í Innkastinu en hér að neðan má sjá skjáskot af atvikinu. Hörður Snævar Jónsson, ritstjóri 433.is, tók það.
Í þættinum er talað um hversu pirraðir KR-ingar hafi verið í lok leiksins enda voru þeir að missa af tækifæri til að stimpla sig inn í toppbaráttuna.
Martröðin sem Rúnar Kri vaknar upp við næstu tvær vikurnar pic.twitter.com/EU9RtkngSU
— Hörður S Jónsson (@hoddi23) August 4, 2021
Athugasemdir