Guðlaugur Victor Pálsson er ánægður með skrefið sem hann tók í janúar þegar hann fór frá Zurich í Sviss til Darmstadt í þýsku B-deildinni.

„Ég er mjög ánægður með að vera í Þýskalandi. Það var alltaf markmið hjá mér að komast í þann glugga og ég er ánægður með það hvernig hlutirnir hafa þróast hjá mér," sagði Guðlaugur Victor.

„Þetta var eitthvað sem ég hafði stefnt á í smá tíma. Tækifærið kom og ég var mjög ánægður með það."

„Það eru tíu lið í deildinni í Sviss og þú spilar fjórum sinnum á móti sama liði. Það eru tvö lið sem dóminera þar. Í Þýskalandi vinna allir alla og stemningin og allt í kringum það er miklu stærra. Gæðin eru líka betri."

Guðlaugur Victor fékk sitt annað gula spjald og þar með rautt fyrir að brjóta á Rúrik Gíslasyni í síðasta leik gegn Sandhausen.

„Hann var að sleppa í gegn og ég reyndi að ná boltanum. Það er skemmtilegt að þetta hafi verið hann. Þetta var réttur dómur," sagði Guðlaugur Vcitor.

Hér að ofan má sjá viðtalið í heild sinni.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit