Samkvæmt heimildum Fótbolta.net þá vill Gunnlaugur Fannar skoða það að reyna fyrir sér í Bestu deildinni á nýjan leik en hann lék þar áður fyrr með Víkingum.

Í sumar spilaði Gunnlaugur Fannar 20 leiki með Kórdrengjum í Lengjudeildinni.

Varnarmaðurinn, sem er uppalinn hjá Haukum og Álftanesi, hefur leikið með Kórdrengjum frá 2020. Þar áður lék hann með Víkingum frá 2017.

Hann hefur verið mikilvægur hluti af liði Kórdrengja en sagan segir að hann langi núna að færa sig hærra. Gunnlaugur Fannar er 28 ára gamall.