Davíð Örn Atlason
Livramento með stollu?
Nýr sex ára samningur?
Andri er stuðningsmaður Brighton.
Ellefta umferð ensku úrvalsdeildarinnar hefst á föstudagskvöld þegar Southampton tekur á móti Aston Villa á St. Mary's.
Umferðinni lýkur svo á sunnudag með viðureign West Ham og Liverpool.
Davíð Örn Atlason, leikmaður Breiðabliks og þjálfari Rave Cave Dave í Fantasy Premier League, er spámaður umferðarinnar. Davíð er seigur Fantasy-spilari og kemur inn á nokkra mola í spá sinni. Lesendur geta nálgast nýjustu þættina af Enska boltanum og Fantabrögðum hér neðst í fréttinni.
Davíð Snær Jóhannsson var spámaður síðustu umferðar og var með fimm leiki rétta.
Svona spáir Davíð leikjum umferðarinnar:
Umferðinni lýkur svo á sunnudag með viðureign West Ham og Liverpool.
Davíð Örn Atlason, leikmaður Breiðabliks og þjálfari Rave Cave Dave í Fantasy Premier League, er spámaður umferðarinnar. Davíð er seigur Fantasy-spilari og kemur inn á nokkra mola í spá sinni. Lesendur geta nálgast nýjustu þættina af Enska boltanum og Fantabrögðum hér neðst í fréttinni.
Davíð Snær Jóhannsson var spámaður síðustu umferðar og var með fimm leiki rétta.
Svona spáir Davíð leikjum umferðarinnar:
Southampton 1-0 Aston Villa
Fyrir tímabilið spáði ég Southampton falli. Byggði það aðallega á brotthvarfi Ings og Vestegaard en þeir eru einhvernveginn ólseigir og vinna þennan leik 1-0 með marki frá Che Adams. Livramento með stoðsendingu. Gæti verið síðasti leikur Dean Smith með Aston Villa.
Manchester United 1-1 Manchester City
Spái óvæntu jafntefli í grannaslagnum. Ole Gunnar tolleraður og verðlaunaður með nýjum sex ára samningi eftir leik. Gæti alveg séð 0-0, 1-0 eða 0-5 samt. Þrítryggi þennan.
Brentford 2-0 Norwich
Ætli ég fari ekki út á róló klukkan 15 á laugardaginn. Ivan Toney hefur ekki skorað síðan í fimmtu umferð en hlýtur að skora núna. Er að spá í að kaupa hann í Fantasy, veit samt ekki hvort ég láti verða að því. Norwich getur ekkert.
Chelsea 2-0 Burnley
Óþægilega mikill meistarafnykur af þessu Chelsea liði. Halda pottþétt hreinu í þessum leik en skora sennilega ekki 7 eins og í síðasta heimaleik. Havertz og Reece James skora mörkin.
Crystal Palace 0-1 Wolves
Patrick Vieira og félagar eru ennþá í skýjunum eftir sigurinn á Etihad síðustu helgi. Raúl Jimenez er kominn í gang og skorar. Ef hann skorar ekki, þá verður það Hwang.
Brighton 2-0 Newcastle
Ég ætla að spá Brighton sigri í þessum leik en það er bara fyrir harðasta og líklega eina Brighton mann landsins, Andra Rafn Yeoman. Er með bæði Sánchez og Duffy í Fantasy liðinu mínu þannig hreint lak frá þeim gerir mikið fyrir mig. Setjum eitt mark á Duffy og Cucurella skorar líka.
Arsenal 2-1 Watford
Helvítis skrið á Arsenal. Watford stöðvar þá ekki þessa helgina. Karl faðir minn verður kátur og ég mæti fýldur í sunnudagsmatinn þar sem Arsenal verður ofar í töflunni en mínir menn í United.
Everton 0-3 Tottenham
Sá megnið af leiknum hjá Everton gegn Wolves á mánudaginn. Þeir voru ekkert eðlilega lélegir. Verður áhugavert að sjá hvernig Tottenham kemur til leiks og hvort Conte nái að kveikja á Kane í framhaldinu. Þeir rúlla allavega yfir Everton. Kane skorar 0-3 mörk.
Leeds 1-2 Leicester
Leeds vann Norwich í síðasta leik en hefði ekki unnið neitt annað úrvalsdeildarleið með sömu frammistöðu. Raphinha skorar fyrir þá og tryggir mér nokkur stig í Fantasy í leiðinni og Vardy skorar allavega eitt fyrir Leicester.
West Ham 1-3 Liverpool
West Ham heldur ekki oft hreinu þannig það má búast við markaleik. Er að gera það upp við sjálfan mig hvort ég eigi að selja Antonio í Fantasy. Hjartað segir já en hausinn segir nei. Aðeins eitt mark í síðustu 4 leikjum og 2 í síðustu 7 umferðum. Það skiptir samt engu máli í stóra samhenginu því Liverpool vinnur þetta nokkuð örugglega.
Fyrri spámenn:
Davíð Snær - 5 réttir
Benni Gumm - 5 réttir
Mist Edvards - 5 réttir
Karitas - 5 réttir
Jeppkall - 4 réttir
Albert Brynjar - 4 réttir
DigiticalCuz - 4 réttir
Sammi - 4 réttir
Elías Már - 3 réttir
Orri Steinn - 3 réttir
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 22 | 15 | 5 | 2 | 40 | 14 | +26 | 50 |
| 2 | Man City | 22 | 13 | 4 | 5 | 45 | 21 | +24 | 43 |
| 3 | Aston Villa | 22 | 13 | 4 | 5 | 33 | 25 | +8 | 43 |
| 4 | Liverpool | 22 | 10 | 6 | 6 | 33 | 29 | +4 | 36 |
| 5 | Man Utd | 22 | 9 | 8 | 5 | 38 | 32 | +6 | 35 |
| 6 | Chelsea | 22 | 9 | 7 | 6 | 36 | 24 | +12 | 34 |
| 7 | Brentford | 22 | 10 | 3 | 9 | 35 | 30 | +5 | 33 |
| 8 | Newcastle | 22 | 9 | 6 | 7 | 32 | 27 | +5 | 33 |
| 9 | Sunderland | 22 | 8 | 9 | 5 | 23 | 23 | 0 | 33 |
| 10 | Everton | 22 | 9 | 5 | 8 | 24 | 25 | -1 | 32 |
| 11 | Fulham | 22 | 9 | 4 | 9 | 30 | 31 | -1 | 31 |
| 12 | Brighton | 22 | 7 | 9 | 6 | 32 | 29 | +3 | 30 |
| 13 | Crystal Palace | 22 | 7 | 7 | 8 | 23 | 25 | -2 | 28 |
| 14 | Tottenham | 22 | 7 | 6 | 9 | 31 | 29 | +2 | 27 |
| 15 | Bournemouth | 22 | 6 | 9 | 7 | 35 | 41 | -6 | 27 |
| 16 | Leeds | 22 | 6 | 7 | 9 | 30 | 37 | -7 | 25 |
| 17 | Nott. Forest | 22 | 6 | 4 | 12 | 21 | 34 | -13 | 22 |
| 18 | West Ham | 22 | 4 | 5 | 13 | 24 | 44 | -20 | 17 |
| 19 | Burnley | 22 | 3 | 5 | 14 | 23 | 42 | -19 | 14 |
| 20 | Wolves | 22 | 1 | 5 | 16 | 15 | 41 | -26 | 8 |
Athugasemdir
