Sheff Utd búið að reka Heckingbottom og ráða Wilder (Staðfest)

„Chris Wilder er besti náungi á plánetunni jörð til að taka við liðinu núna í þessari stöðu,“ segir Abdullah.

Heckingbottom stýrði Sheffield aftur upp í efstu deild á síðasta tímabili, þegar liðið hafnaði í öðru sæti Championship-deildarinnar. 5-0 tap gegn Burnley um síðustu helgi reyndist hans síðasta hálmstrá.

„Chris er mjög bjartsýnn á að hann geti bjargað tímabilinu, hann segir ekki að það sé auðvelt en hann telur að það sé geranlegt. Það er enn mikið eftir af tímabilinu og við eigum möguleika á ná markmiðum okkar," segir Abdullah.

Sheffield er fjórum stigum frá öruggu sæti en liðið fær Liverpool í heimsókn annað kvöld.

Eftir tapið gegn Burnley gagnrýndi Heckingbottom félagið fyrir að taka fjárhagslegar ákvarðanir frekar en fótboltalegar með því að selja lykilmenn í sumar. Iliman NDiaye fór til Marseille og Sander Berge fór til Burnley.