David de Gea er ekki búinn að spila sinn síðasta leik fyrir Manchester United að sögn stjóra liðsins, Ole Gunnar Solskjær.
De Gea var ekki í byrjunarliði Man Utd gegn Brighton um helgina í 2-1 sigri en hann hefur ekki varið markið í síðustu leikjum.
Dean Henderson hefur tekið við keflinu af De Gea en hann þykir einn besti markvörður Englands í dag.
Talað er um að De Gea sé að kveðja Man Utd í sumar en miðað við orð Solskjær mun hann verja mark liðsins aftur.
„Ég er með tvo frábæra markmenn, tvo sem eru númer eitt," sagði Solskjær við BBC.
„De Gea fór heim og fór svo í landsliðsverkefni og spilaði því ekki fyrir okkur í um mánuð. Hann mun klárlega spila fyrir okkur aftur."
Athugasemdir